Hazırda dövlət başçısı postunu tutan 81 yaşlı Co Bayden ABŞ tarixinin ən yaşlı prezidentidir.
Amerikalı milyarder və sahibkar İlon Mask ABŞ prezidentliyinə namizədlər üçün yaş məhdudiyyətinin tətbiqi təklifi ilə çıxış edib.
O, müvafiq fikri X* sosial şəbəkəsindəki səhifəsində açıqlayıb.
Mask prezidentliyə namizədlər üçün yaş məhdudiyyətinin qoyulmasının vacibliyinə diqqət çəkib.
"Maksimum yaş müəyyən edilməlidir" – o, yazıb.
Xatırladaq ki, hazırda dövlət başçısı postunu tutan 81 yaşlı Co Bayden ABŞ tarixinin ən yaşlı prezidentidir.
Daha əvvəl mühafizəkar “Newsmax” kanalının köşə yazarı Mark Halperin Baydenin prezidentlik yarışından geri çəkildiyini bildirmişdi. Lakin sonradan Ağ Ev bu xəbərləri təkzib edib.