Putin deyib ki, bu gün Çin Rusiyanın enerji resurslarının ən böyük istehlakçısıdır, Rusiya Çinə neft ixracına görə birinci yerdədir.
ABŞ-ın Rusiya neftinə qarşı yeni sanksiyaları artıq neft bazarına təzyiq göstərir, Çin isə qlobal neft tələbatının artımını stimullaşdırmaqda davam edir. Bloomberg xəbər verir ki, bunu Səudiyyə Ərəbistanının dövlət neft-qaz şirkəti olan "Saudi Aramco"nun rəhbəri Amin Nasser bildirib.
Agentlik yazır ki, bu il Londonda neftin qiyməti ABŞ-ın Rusiyaya qarşı aqressiv sanksiyalarından sonra 6% artıb.
"Biz Çindən yaxşı tələbat görməyə davam edirik", Nasser bildirib və əlavə edib ki, bu ölkədə tələb ildən-ilə artır.
Rusiya prezidenti Vladimir Putin çinli həmkarı Si Cinpin ilə videokonfrans vasitəsilə görüşündə deyib ki, bu gün Çin Rusiyanın enerji resurslarının ən böyük istehlakçısıdır, Rusiya Çinə neft ixracına görə birinci yerdədir.
"Bloomberg"in məlumatına görə, Nasser 2025-ci ildə qlobal neft tələbinin gündə təxminən 1,3 milyon barel artaraq 106 milyon barrelə çatacağını gözləyir. O hesab edir ki, artan tələb bu il neft bazarını "sağlam" və balanslı edəcək.
ABŞ bu ilin əvvəlində Rusiyanın enerji sektoru ilə əlaqəli 200-dən çox şirkət və fiziki şəxsə, həmçinin 180-dən çox gəmiyə sanksiya tətbiq edib. Sanksiyalar Rusiyanın beynəlxalq bazarlara çıxışını məhdudlaşdırmaq və neft və qaz ixracından əldə olunan gəlirləri azaltmaq məqsədi daşıyır. Sonradan isə ABŞ Xəzinədarlığı ümumi lisenziya verməsinə əsasən bir sıra Rusiya şirkətləri, o cümlədən Qazprom Neft və Sovcomflota əməliyyatlara qismən icazə verilir.