ABŞ Prezidenti Donald Trampın bioqrafı Maykl Vulf ölkə lideri ilə həyat yoldaşı Melaniya Trampın faktiki olaraq ayrıldığını və ayrı yaşadıqlarını iddia edir.

"The New York Times" xəbər verir ki, bu barədə bioqraf cütlüyün evliliyinin hazırkı durumu ilə bağlı müşahidə və qiymətləndirmələrini paylaşdığı podkastda bildirib.

Onun sözlərinə görə, Trampla Melaniya arasındakı münasibətlər çoxdan ənənəvi evlilik modelindən uzaqlaşıb. O qeyd edib ki, onlar nikah münasibətlərinin klassik modelinə heç bir şəkildə uyğun gəlmirlər və onun fikrincə, artıq ayrı yaşayırlar.

Daha əvvəl də ABŞ-nin birinci xanımının Ağ Evdə çox az vaxt keçirdiyi, ictimai çıxışlarının isə nadir və qeyri-müntəzəm olduğu ilə bağlı şayiələr yayılmışdı.

Ağ Evin kommunikasiyalar üzrə direktoru Stiven Çunq bu iddialara cavab verərək Vulfu "açıq yalanlar və uydurmalarla çıxış edən boşboğaz axmaq" adlandırıb.