Qahirənin Abbasiyə rayonunda kopt kilsəsində törədilən partlayış nəticəsində 23 nəfər ölüb, 49 nəfər yaralanıb.

APA-nın RİA Novosti agentliyinə istinadən verdiyi xəbərə görə, bu barədə Misir Səhiyyə nazirliyinin məlumatında bildirilir.

Bundan əvvəl müxtəlif KİV-lər 28 nəfərin öldüyünü, 70 nəfərin yaralandığını bildirirdilər.

Misir prezidenti Əbdülfəttah əs-Sis terror aktı ilə əlaqədar ölkədə 3 günlük matəm elan edib.

Qeyd edək ki, xristan koptlar Misir əhalisinin 10 faizini təşkil edir. Təkcə Qahirədə 163 kopt kilsəsi var.