ABŞ ordusuna məxsus ağır texnika Estoniyaya gətirilib.

Axar.az xəbər verir ki, bu barədə informasiyanı Estoniya Müdafiə Qüvvələrinin Baş Qərargahı yayıb. Yeni gələn ağır texnika ABŞ ordusunun 68-ci alayının 1-ci bölüyünə məxsusdur. Rəsmi Tallin bölüyün şəxsi heyətinin ölkəyə keçən həftə gəldiyini bildirib. Bu qüvvələrin yaza qədər Estoniyada qalması nəzərdə tutulub.

Qeyd edək ki, yazda Estoniyaya NATO-nun beynəlxalq batalyonu yerləşdiriləcək. Tərkibi 1200 nəfərdən ibarət olacaq. Batalyonun 800 nəfərini Böyük Britaniya, qalanlarını isə Fransa və Danimarka hərbçiləri təşkil edəcək.

Dünən Amerika həmçinin Latviyaya da 250 hərbçi göndərib.