Raketləri və pilotsuz təyyarələri tutmaq üçün lazer silah nümayiş etdirib

İsrail dünyada ilk döyüşə hazır lazer hava hücumundan müdafiə sisteminin yaradılmasını başa çatdırıb. “Dəmir şüa” adlandırılan yeni silah pilotsuz təyyarələri və lazer şüaları ilə raketləri vurmaq qabiliyyətinə malikdir.

AYNA.AZ “Bild.de”yə istinadən xəbər verir ki, ekspertlər bunu texnoloji irəliləyiş və döyüş meydanında “oyun dəyişdiricisi” adlandırırlar.

Sistemin əsas üstünlüyü hər bir müdaxilənin minimal dəyəridir. “Patriot” raketi milyonlarla avroya, “Dəmir günbəz” mərmisi isə təxminən 40 min dollara başa gəldiyi halda, lazer silahı cəmi bir neçə avroya başa gəlir.

Sistem həm stasionar həm də mobil vasitələrdə istifadə oluna bilər və cəbhə xəttindəki qoşunları qoruyur. Hərbi ekspertlər hesab edirlər ki, bu texnologiya Rusiya pilotsuz təyyarələrinin hücumları nəticəsində böyük itkilər verən Ukrayna üçün əsl xilasedici ola bilər.