“Facebook”da etdiyimiz paylaşımlarda dost siyahısında olan dostların işarələnməsi şifrənin oğurlanması, səhifənin ələ keçirilməsinə səbəb ola bilər.

Moderator.az xəbər verir ki, Mark Zukerberqin rəhbərlik etdiyi şirkət bu barədə xüsusi xəbərdarlıq da edib. Xəbərdarlıq mətninə əsasən, peşəkar kiber-cinayətkarlar şifrəsini ələ keçirdiyi istifadəçilərin hər hansı dostu tərəfindən müəyyən paylaşıma işarələnməsini səbirsizliklə gözləyirlər. Virtual quldurlar buradan yola çıxaraq, təkcə “facebook” məlumatları ilə deyil, həm də istifadəçinin başqa bilgilərini, ən çox da pullarının yatdığı hesab nömrəsini ələ keçirirlər.

Şirkərin texnoloq və mühəndisləri sadə şifrələri dəyişdirməyi də məsləhət görüblər. Onlar bəzilərinin özünə yaxın insanlar oxşar şifrələrdən istifadə etmələrini yanlış hesab edirlər. Bu, hər iki istifadəçinin real təhlükə ilə üz-üzə qalması deməkdir.