Bu ilin ilk yarısından etibarən Avropada elektrikli avtomobillərin toplam satışı 1 milyonu keçib. AzEuroNews.com xəbər verir ki, Avropa bu rəqəmlə Amerika Birləşmiş Ştatlardan ( ABŞ) irəlidə, Çindən isə geridədir.

Elektrikli avtomobillərə olan maraq hər keçən il artır. “EV-Volumes” tərəfindən aparılan araşdırmaya görə, bu ilin iyun ayına kimi Avropada 1 milyondan çox elektriklə çalışan avtomobil satılıb.

Elektrikli avtomobillər Avropada ən çox Norveçdə satılıb. Belə ki, Norveçdə bu ilin ilk yarısında 36500 elektrikli avtomobil satılıb. Sıralamada Norveçdən sonra Almaniya, İngiltərə və Fransa gəlir.