Manat Dollar qarşında 1,05 səviyyəsinə düşüb qalxıb

“Bloomberg”in məzənnələr sistemində Dollar/Manat məzənnəsi tez-tez yenilənir. Bakı vaxtı ilə 15:20-yə olan məlumata görə, 1 dollar 1,55 manata bərabərdir.

"Marja"nın məlumatına görə, sistemdə verilən məzənnədə dünəndən baş verən kəskin enmə və qalxmalar çaşqınlıq yaradıb. Məsələn, dünən Bakı vaxtı ilə 13:15-də Dollar/manat məzənnəsi 1.0518 səviyyəsinə düşüb və 5 dəqiqə sonra yenidən 1,5511 səviyyəsinə yüksəlib. Dünən də belə vəziyyət 2 dəfə müşaiyət olunub.

Valyuta bazarı (Forex) üzrə mütəxəssislər iddia edirlər ki, qrafikdə kursun kəskin düşüb qalxması vaxtında pulunu dollara çevirə bilməyənlərə şəraitin yaradıldığına işarə edir. Ehtimal olunur ki, bəzi oliqarxlar pullarını köhnə məzənnə ilə manatdan dollara çevirdiklərindən məzənnəni göstərən qrafik kəskin enib qalxır.marja/