Rusiya Prezidentinin köməkçisi Yuri Uşakov: “Putinlə Tramp arasında telefon söhbəti təxminən bir saat davam edib".
Uşakovun iddiasına görə,
Liderlər enerji və kosmik tədqiqatlar sahəsində bir sıra perspektivli birgə iqtisadi layihələri müzakirə ediblər;
Söhbət zamanı Putin və Tramp Suriyadakı hadisələrə toxunublar, Moskva və Vaşinqton bu mövzuda dialoqu davam etdirəcəklər;
Putin və Tramp İran ətrafındakı vəziyyəti və ümumilikdə Yaxın Şərqi ətraflı müzakirə ediblər;
Putinlə söhbətində Tramp Ukraynada hərbi əməliyyatların tezliklə dayandırılması məsələsini qaldırıb;
Putinlə Tramp mümkün şəxsi görüş barədə müzakirə aparmayıblar.
Çıxarılan nəticə:
• Tramp Putindən Ukraynada hərbi əməliyyatları dayandırmağı tələb edib. Putin bununla razılaşmayıb və üz-üzə görüşmək məsələsi gündəmdən çıxıb. Bu həm də əslində bu telefon danışığında əldə olunan bütün razılaşmaların sıfırlanması deməkdir.
• Putinin Trampla telefon danışığında Suriya məsələsini qaldırması ABŞ-dan çox Türkiyəyə mesajdır. Görünür, Putin bu “təşəbbüsü” ilə Azərbaycanla diplomatik savaşın əsl günahkarı olaraq Türkiyəni görür və ona Suriyada əl-ayağına “dolaşa bilərəm” mesajı verir.
• İran və Yaxın Şərq məsələsinin masaya yatırılması da təsadüfi deyil. Putinin İran qarşılığında Ukraynanı istəməsi bəllidir. Amma 1 saatlıq telefon danışığının nəticəsiz bitməsi versiyası doğrudursa, Putinin bu sövdələşməsinin də işə yarayacağı müəmmalıdır.
Heydər Oğuz
TEREF