Özünü Prezidentin sinif yoldaşı kimi təqdim edən şəxsin ÖZBAŞINALIĞI... - Prezidentə müraciət olundu

18-08-2022, 16:46           
Özünü Prezidentin sinif yoldaşı kimi təqdim edən şəxsin ÖZBAŞINALIĞI... -
Bakı şəhər sakini Zahidli Ülkər Mirağa qızı ölkə rəhbərliyinə bir özbaşınalıq faktı ilə bağlı müraciət edərək, kömək istəyib. Bir nüsxəsi də DİA.AZ-a daxil olan müraciətdə deyilir:

"Mən, Bakı şəhəri, Səbail rayonu, 706-cı məhəllə, Nizami küçəsi 96 ünvanda “Dolca Saray” MMC tərəfindən inşa edilmiş çoxmənzilli yaşayış binasında yerləşən mənzillə birlikdə həmin binanın zirzəmi-qaraj hissəsində idarə etdiyim 77-BN-717 dövlət nömrə nişanlı avtomobilimi saxlamaq üçün qaraj sahəsini almışam. Bununla bağlı MMC tərəfindən mənə rəsmi qaydada müqavilə və eskiz sxem təqdim edilmişdir. Lakin son 6 ay ərzində Mercedes markalı 10-XU-500 dövlət nömrə nişanlı avtomobili mənə məxsus qaraj sahəsini qanunsuz olaraq zəbt etmişdir. Həmin avtomobilin sahibi isə Azad Rəşidiyev adlı vəzifəli şəxs, Bakı şəhəri Nəsimi rayon Gigiyena və Epidemiologiya mərkəzinin müdiridir.



Həmin Azad Rəşidiyev özünü “Azərbaycan Respublikasının Prezidentinin sinif yoldaşı” kimi təqdim edərək mənə və MTK əməkdaşlarına hədə qorxu gəlir, mənim qaraj sahəmi qanunsuz olaraq mənimsəyır. Hazırda, Bakı şəhəri Nəsimi rayon Gigiyena və Epidemiologiya mərkəzinin müdiri Azad Rəşidiyev “Azərbaycan Respublikasının Prezidentinin sinif yoldaşı” kimi təqdim edərək, vəzifə səlahiyyətləri aşaraq, sui-istifadə edərək, mənim əmlakımı mənimsəmişdir. Bununla bağlı həmin “vəzifəli şəxs” Azad Rəşidiyev barəsində ciddi tədbir görülməsinə və məsuliyyətə cəlb olunmaqla əmlakımın mənə qaytarılmasına müvafiq göstəriş verməyinizi Sizdən xahiş edirəm".

Məsələ diqqətimizdədi. İddia olunanlarla bağlı dia.az olaraq bütün maraqlı tərəfləri dinləməyə hazırıq...




Loading...



Loading...





Loading...

Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.