Keçmiş səhiyyə naziri Əli İnsanov barədə yeni cinayət işi başlanıb.

Bu barədə AzadlıqRadiosuna keçmiş nazirin vəkili Toğrul Babayev məlumat verib.

Vəkil bildirib ki, avqustun 23-də gecə saat 23:00 radələrində onunla və digər həmkarı ilə əlaqə saxlayaraq, Əli İnsanovun saxlanıldığı 13 saylı Cəzaçəkmə Müəssisəsinə gəlmələrini istəyiblər.

«Saat 9-dan cəzaçəkmə müəssisəsinin qarşısındayıq. Prokurorluğun nümayəndələri müəssisəyə daxil olub. Dindirmə aparılacaq», - T.Babayev bildirib.

Əli İnsanov 2005-ci ilin oktyabrında həbs olunub və 11 il azadlıqdan məhrum edilib.
Onun azad olunmasına aylar qalmışdı.