İsrailin paytaxtı Təl-Əvivdə partlayışlar olub.

Bu barədə “Reuters” məlumat yayıb.

“Al Alam” telekanalı isə İran Silahlı Qüvvələrinin İran ərazisinə edilən hücumlara cavab olaraq İsrailə qarşı əməliyyata başladığı məlumatını yayıb.

AFP isə Qüdsdə də partlayış səslərinin eşildiyini bildirir.

İRNA-nın məlumatına görə, İran İsrailə yüzlərlə ballistik raket atıb.

***

İsrail Müdafiə Qüvvələri (İMQ) İrandan raket atəşinə tutulduğunu bildirib.

“Report” xəbər verir ki, bu barədə ordunun mətbuat xidmətinin teleqram səhifəsində məlumat verilib.

"İMQ müəyyən edib ki, az öncə İrandan İsrailə raketlər buraxılıb. Müdafiə sistemləri təhlükənin qarşısını almaq üçün çalışır", – məlumatda vurğulanıb.

Hərbçilər vətəndaşları sığınacaqlara gizlənməyə və sonrakı xəbərdarlığa qədər orada qalmağa çağırıb.