“Azərbaycanın birinci vitse-prezidenti Mehriban Əliyevanın çox gözəl stili var”

Virtualaz.org bildirir ki, bunu “Vestnik Qafkaza”nın müxbirinə Rusiya rəssam-modelyeri Vyaçeslav Zaytsev deyib. O həmçinin əlavə edib ki, məmnuniyyətlə Azərbaycan parçalarından kolleksiya yaradardı.

V.Zaytsev ilk növbədə Bakı ilə bağlı təəssüratlarını bölüşüb. "Hesab edirəm ki, Bakı çox müasir və çox möhtəşəm şəhərdir. Azərbaycanlılar – çox gözəl ölkədən olan və ruslara gözəl münasibət bəsləyən çox gözəl insanlardır. Bu çox gözəldir və mən Bakıdan böyük təəssüratla ayrıldım", - deyə o etiraf edib və oxucuları ilə görüşə daim öz yüksək səviyyəli nəşrləri ilə gələn "Bakı" jurnalını müsbət qiymətləndirib.

Modelyer Mehriban Əliyevanın imicini ayrıca vurğulayıb. "Onun çox gözəl stili var. Mehriban Əliyeva böyük insan və çox gözəl qadındır”, - Vyaçeslav Zaytsev əlavə edib.

O həmçinin Azərbaycan kolleksiyası yaratmaq arzusu haqda danışıb. Ümumiyyətlə, V.Zaytsev deyib ki, Şərq mövzusu həmişə onun üçün çox aktual olacaq.