Bakı. 22 yanvar. REPORT.AZ/ Niderlandın Brabant əyalətinin Helmond şəhərində naməlum şəxsin maşına atəş açması nəticəsində 15 və 2 yaşlı qız yaralanıb.

"Report" "NL Times" nəşrinə istinadən xəbər verir ki, böyük qız əlindən, kiçik isə ayağından güllə yarası alıb.

Hadisədən sonra şübhəli şəxslər avtomobillə ərazidən uzaqlaşıblar.

Sonradan polis onlardan birini yaxalayıb. Hadisənin istintaqı davam edir.