Bugünlərdə 7News.az saytında "Baku Electronics”in mağazaları bağlanır" başlığı ilə yazı dərc edilmişdi.

Yazıda qeyd olunurdu ki, Azərbaycanda milli valyutanın məzənnəsinin sürətlə dəyərdən düşməsi məişət texnikasının satışı bazarında fəaliyyət göstərən yerli iri şirkətlərin fəaliyyətində problem yaradıb. Müşahidə olunan qlobal böhran artıq "Baku Electronics" şirkətinə ciddi təsir edib. Bundan sonra yazıda sırf bu istiqamətdə faktlı şəkildə təhlil gedir.

Məsələ ilə bağlı sonu ...94 94 olan nömrədən redaksiyamıza zəng gəlir. Özünü təqdim etməyən gənc ilkin mərhələdə hədə və təhqirlərlə dolu ifadələr işlətməyə başladı. Yazının istinadla verildiyini, KİV haqqında qanuna müvafiq şəkildə riayət olunduğunu "Baku Electronics"in reketinə başa salmağa çalışsaq da adam dediyindən dönmürdü.

Ən maraqlısı odur ki, zəng edən şəxs "prastoy vətəndaş" və mağazanın "fanat"ı olduğunu qeyd edirdi. Mağazanın yaranma tarixindən tutmuş filiallarına qədər bütün tarixçəni əzbər bilən və mağazaya dəxli olmadığını bildirən bu "prastoy vətəndaşın" tam səs yazısını və nömrəsini saytımızda dərc edəcəyik.
P.S. Nədənsə bu "prastoy vətəndaş"- lar axır vaxtlar həddən artıq çoxalıblar!
teref.az