Polis koronavirusla bağlı karantin qadağasına rəğmən 150 nəfərin iştirakı ilə qanunsuz keçirilən toy vertolyot vasitəsilə aşkarlanaraq dayandırılıb.

Moderator.az İsrail mediasına istinadla xəbər verir ki, ölkə polisinin mətbuat xidmətinin yaydığı məlumata görə, toy İsrailin şimalındakı Bina kəndindəki bir evin damında keçirilib. Mərasimdə həm qonaqlar, həm də xidmət heyəti iştirak edib.

Bəy və atası məhdudiyyətləri pozduqları üçün cərimə edilib və dindirilmək üçün bölməyə aparılıb.

Polis bir daha xalqı Səhiyyə Nazirliyinin müəyyən etdiyi koronavirusla mübarizə qaydalarına riayət etməyə çağırıb. Qanun pozuntularını dayandırmaq üçün əllərindəki bütün qanuni vasitələrdən istifadə etməyə davam edəcəklərini əlavə edib.