ABŞ-da prezident seçkiləri günü Sietldə polis 8 nəfəri saxlayıb.

KONKRET.az xəbər verir ki, bu barədə polisin rəsmi Twitter səhifəsində bildirilir.

Mesajda göstərildiyi kimi, saxlanılanlar piyadalara müdaxilə edərək avtomobillərin hərəkətinə mane olublar. Hətta bir polisə də hücum hadisəsi qeydə alınıb.

Şəhərin iki yerində belə yürüşün olduğu deyilir. Polisin verdiyi məlumata görə, itki yoxdur.

Associated Press xəbər verir ki, yüzlərlə insan Portland, Oregon və Sietldə hazırkı ABŞ prezidenti Donald Trampa qarşı yürüşlərdə iştirak edir.

Vaşinqtonda Ağ Evin yaxınlığında təxminən min nümayişçinin toplandığı qeyd olunur.