Sosial şəbəkələrdə Rusiyanın Novosibirsk şəhərinin yerli vərəm xəstəxanasında tibb bacısının bir uşağın saçlarından tutub yatağa atması ilə bağlı video ortaya çıxıb.

KONKRET.az xəbər verir ki, bu haqda məlumatı Rusiya İstintaq Komitəsinin Novosibirsk bölgəsi üzrə idarəsi yayıb.

Mənbə bildirir ki, video yayıldıqdan sonra yoxlama aparılıb.

Eyni zamanda, videonun müəllifi iddia edir ki, qadın bu cür hərəkətləri sistemli şəkildə həyata keçirir.

Təhlükəsizlik qüvvələri uşağa qarşı mümkün qəddar rəftarın bütün şərtlərini öyrənmək niyyətindədir. Bundan sonra əlavə tədbirlər barədə qərar veriləcək.