Dünyanın ən böyük kibertəhlükəsizlik şirkəti olan “FireEye” kiberhücuma məruz qalıb.

Publika.az xəbər verir ki, bu barədə şirkət rəsmi açıqlama ilə çıxış edib.

Bildirilib ki, hücum inkişaf etmiş metodlarla təşkil olunub və arxasında hər hansı bir ölkənin olma ehtimalı çoxdur. Hücum zamanı aralarında müxtəlif hökumətlərin də olduğu müştərilərin bilgiləri ələ keçirilib.

“CNN International”ın xəbərinə görə, 2004-cü ildə qurulan “FireEye” bu günə qədər bu ölçüdə hücumla qarşılaşmayıb.

“FireEye” həm Federal Təhlükəsizlik Bürosu, həm də “Microsoft” kimi şirkətlərlə zərəri minimuma endirmək üçün işlədiklərini bildirib.