ABŞ-da pişik bir ailənin həyatını qurtardı.

Bizim.Media “KGW News”a istinadən xəbər verir ki, ABŞ-ın Oreqon ştatında Lilli ləqəbli pişik bir ailəni məişət qazının yarada biləcəyi partlayışdan xilas edib.

Pişiyin sahibəsi bir gün ev heyvanının sobanın yanında qaz klapanını tez-tez iylədiyini görür. Lillinin – pişiyin bu davranışından şübhələnən qadın həmin yerə yaxınlaşır və görür ki, xəfif qaz iyi gəlir. Buna inanmayan qadın ərini çağırır və o da mavi yanacağın iyini hiss edir.

Təlaşlanan ev sahibləri qaz xidməti ilə əlaqə saxlayırlar və onlara bildirilir ki, təcili qazı ümumi xətdən bağlayın.

Hadisə yerinə gələn sözügedən xidmətin əməkdaşları qaz sızmasını təsdiqləyir və nasazlığı düzəldirlər.

Pişiyin bu şücaətindən sonra ev sahiblərinin Lilli sevgisi birə min artır.