Bakıda restoranda əməliyyat keçirildi, polkovnik həbs olundu - TƏFƏRRÜAT
19-02-2021, 10:34
Türkiyədə qətlə yetirilən qanuni oğru Rövşən Lənkəranskinin qardaşı Namiq Canıyevin restoranında əməliyyat keçirilib.
“Qafqazinfo”nun əldə etdiyi məlumata görə, fevralın 14-də N.Canıyev və Rövşən Lənkəranskinin yaxın adamları Bakıda yerləşən “Neon” şadlıq sarayında toplanıblar.
Həmin toplantı zamanı insident yaşanıb və hüquq-mühafizə orqanları əməkdaşları əməliyyat keçirərək oradakı şəxsləri saxlayıblar.
Məlumata görə, sabiq gömrük polkovniki Namiq Canıyevlə birgə təxminən 10 nəfər tutulub. Daha sonra N.Canıyev sərbəst buraxılıb.
Digər şəxslərlə bağlı hazırda araşdırma davam etdirilir.
"Neon" şadlıq sarayının Lənkəranskinin ailəsinə məxsus olduğu bildirilir.
