Türkiyədə yaşayış evində baş verən yanğın tək yaşayan qadının ölümünə səbəb oldu.

Sonxeber.az Türkiyə mətbuatına istinadən xəbər verir ki, Muğlada dünən axşam yaşayış binasının 3 mərtəbəli evin 3-cü mərtəbəsində elekrik sobasında çıxan qığılcım yanğına səbəb olub.

Qısa müddət ərzində bütün evi bürüyən yanğın hadisə yerinə gələn yanğınsöndürənlər tərəfindən söndürülüb.

Ağır yanıq xəsarəti alan və tək başına yaşayan Gül Ayşe Gazezoğlu dərhal xəstəxanaya aparılsa da həkimlərin müdaxiləsinə baxmayaraq onun həyatını xilas etmək mümkün olmayıb.