İran İslam İnqilabının Keşikçiləri Korpusu (SEPAH) İraq ərazisindən İranın Kürdüstan vilayətinə keçməyə çalışan terrorçu dəstənin üzvlərini məhv edib.

AZƏRTAC SEPAH-ın açıqlamasına istinadla xəbər verir ki, sərhədi qanunsuz keçməyə cəhd edən silahlılar həyata keçirilən əməliyyat nəticəsində zərərsizləşdirilib. Terrorçulara məxsus silah-sursat və xəritələr ələ keçirilib.

Hadisə yerində araşdırma aparılır və terrorçuların İrandakı əlaqələri müəyyənləşdirilir.

Rəsmi Tehran İraqın Kürdüstan muxtariyyətin rəhbərliyini hadisə barədə məlumatlandırıb.

Muxtariyyətin rəhbərliyi İranla sərhəd bölgəsində anti-terror əməliyyatı keçirəcəyinə söz verib.

Rabil Kətanov

AZƏRTAC-ın xüsusi müxbiri