Fransanın şimalında yerləşən Decathlon idman mağazalar şəbəkəsi miqrantların Böyük Britaniyaya üzdüyünə görə, onlara kano satışını dayandırıb.

Publika.az xəbər verir ki, bu qərar bir həftə əvvəl 1000-dən çox qaçqının qayıqlarla Manş boğazını keçməsindən sonra verilib.

Bundan əvvəl Fransa polisi 1000-ə yaxın insanın yaşadığı böyük miqrant düşərgəsini təmizləmişdi. Onlar Böyük Britaniyaya çatmağa ümid edirdilər.

Qeyd edilib ki, Fransa polisi La-Manş boğazını üzərək keçmək niyyətində olan miqrantlara rezin güllələrlə atəş açıb.