Şahzadə Harri və həyat yoldaşı Meqan Markl 4 iyun 2021-ci ildə anadan olan qızları Lilibet Diananın ilk fotosunu paylaşıblar.

Şəkil Harri və Meqanın ailə portretinin əks olunduğu Milad açıqçasının üzərində görünüb.

“2021-ci ildə qızımız Lilibet bu dünyaya gəldi. Arçi bizi (oğlan övladlarını nəzərdə tutur – red) “ana” və “ata”, Lilibet isə ailə etdi”, - Harri və Meqan açıqçanın üzərində yazıblar.

Xatırladaq ki, Harri və Meqanın qızı cütlük kral səlahiyyətlərindən və imtiyazlarından imtina edərək İəvvəlcə Kanadaya, sonra isə ABŞ-a köçdükdən sonra dünyaya gəlib.