Uşaqlarını şərflə boğan, sonra isə şaxtalı havada dərəyə atan qadını məhkəmə iki ay müddətinə həbs edib.

Cebhe.info xəbər verir ki, bu barədə Rusiya İstintaq Komitəsinin regional idarəsi məlumat yayıb. “Məhkəmə vəsatətə və İstintaq Komitəsinin istintaqının təqdim etdiyi materiallara baxaraq, təqsirləndirilən şəxs barəsində 2022-ci il fevralın 21-dək iki ay müddətinə həbs-qətimkan tədbiri seçilməklə, istintaq orqanının dəlilləri ilə razılaşdırılıb”,- hüquq-mühafizə orqanlarının nümayəndələri bildiriblər. İstintaqın məlumatına görə, qadın uşaqları ona tabe olmadıqları üçün əsəbiləşib və şarfla azyaşlıları-əvvəlcə oğlunu, sonra isə qızını boğub. Bundan sonra 43 yaşlı qadın onları şaxtalı havada dərəyə atıb. Hadisədən sonra yoxa çıxan qadın axtarış tədbirləri nəticəsində ələ keçib. Sonra o, etdiyi əməldən peşman olduğunu bildirib. Hadisədən sonra təqsirləndirilən şəxsin qızı sağ qala bilib.

Saratov Regional Uşaq Klinik Xəstəxanasının baş həkimi Mixail Svinarevin dediyi kimi, uşağın əl və ayaq barmaqlarının amputasiyasına ehtiyac yarana bilər. Onun sözlərinə görə, qızın vəziyyəti ağırdır, uşağın tez sağalmasını gözləməyə ehtiyac yoxdur. Hazırda həkimlərin qarşısında duran əsas vəzifə azyaşlının vəziyyətini stabilləşdirməkdir. Qeyd edək ki, istintaq davam edir.