Ukraynadakı müharibə Rusiyanın ən bacarıqlı hərbi bölmələrinə ağır zərbə vurur.
Bu barədə Böyük Britaniya Müdafiə Nazirliyi məlumat yayıb.

Qeyd olunur ki, ən müasir rus T-90M tanklarından ən azı biri döyüşdə məhv edilib. 2016-cı ildə təqdim edilən bu tank təkmilləşdirilmiş zirehlərə, təkmilləşdirilmiş silaha və təkmil naviqasiya sistemlərinə malikdir. Rusiya Federasiyası Ukraynadakı müharibədə iştirak edənlər də daxil olmaqla, bu tankların yüzə yaxını ilə silahlanıb.

Bildirilib ki, Ukraynadakı münaqişə Rusiyanın ən bacarıqlı bölmələrinə və ən qabaqcıl aktivlərinə ciddi ziyan vurur. Bu münaqişədən sonra Rusiyaya silahlı qüvvələrini bərpa etmək üçün xeyli vaxt və pul lazımdır.