Ukraynanın paytaxtı Kiyev yaxınlığındakı Buça şəhərində dinc əhaliyə divan tutaraq soyqırım törədən rusiyalı hərbçilərə qarşı sanksiyalar tətbiq olunub.

Milli.Az The Washington Post-a istinadən bildirir ki, ABŞ Prezidenti Co Baydenin Rusiyaya və Moskvanın müttəfiqlərinə qarşı imzaladığı yeni sanksiyalar paketində bununla bağlı bənd var.

Həmin bəndə görə, Buçadakı soyqırımda şübhəli bilinən 2600 nəfər Rusiya və Belarus hərbçilərinə, habelə müdafiə sənayesində çalışan məmurlara ABŞ vizalarının verilməsi yasaqlanır.

ABŞ-ın dövlət katibi Entoni Blinkenin dediyinə görə, yasaq 2596 rusiyalı və 13 belarus hərbçiyə şamil olunub.