İyulun 4-də səhər saat 7-dən etibarən Krasnodar diyarından Krım körpüsünün girişinə kimi avtomobil növbəsi dörd kilometrə qədər azalıb.

Qaynarinfo xəbər verir ki, bu barədə Krım Respublikasının "nəqliyyat naziri” Nikolay Lukaşenko Telegram kanalında məlumat verib.

Onun sözlərinə görə, tıxacda gözləmə müddəti iki saata qədər enib. Nazir onu da əlavə edib ki, Krımdan çıxışda 100 metrlik tıxac yaranıb, gözləmə müddəti 10 dəqiqə olub.

Tıxac iyulun 1-i şənbə günü yaranıb və axşam saatlarında Kubandan 9 km-ə qədər uzanıb. Növbənin aradan qaldırılması üçün yoxlama xətlərinin, eləcə də təhlükəsizlik qüvvələrinin işi gücləndirilib.

İyulun 3-də səhər saatlarında Lukaşenko bildirib ki, Krasnodar diyarından Krım körpüsünə qədər tıxac səkkiz kilometrə, yəni beş saata qədər gözləməyə qədər artıb.

Nəqliyyat Nazirliyində izah edildiyi kimi, tıxacların yaranması yoxlanılan avtomobillərin və baqajların sayının artması ilə əlaqədardır.