Meksika körfəzində “Pemex” dövlət şirkətinin neft platformasında güclü yanğın baş verib. Hadisə nəticəsində azı iki nəfər ölüb, bir nəfər itkin düşüb.

Bu barədə şirkətin “Twitter” səhifəsində bildirilib.

Məlumata görə, yanğın başlayan zaman “Noxoch Alfa” platformasında işləyən 328 işçidən 321-ə yaxını artıq təxliyə edilib. Yanğınları söndürmək üçün dörd qayıq göndərilib.
Hadisənin səbəbləri araşdırılır.