Ukraynanın şimal-qərbindəki Donetsk vilayətinin Kramatorsk şəhərində bazar günü gecə Rusiyanın otel binasına hücumu nəticəsində jurnalistlər və Ukrayna, ABŞ və Böyük Britaniya vətəndaşları yaralanıb.

Bu barədə Donetsk vilayət hərbi administrasiyasının rəhbəri Vadim Filaşkin məlumat verib.

Daha sonra Reuters bildirib ki, onun işçiləri, ümumilikdə altı nəfər Sapphire otelində qalırdı. Onlardan ikisi hücum nəticəsində xəsarət alaraq xəstəxanaya yerləşdirilib. Agentliyin daha bir jurnalisti itkin düşüb və dağıntılar altında ola bilər. Jurnalistlərin adları hələ açıqlanmayıb.

İkimərtəbəli otel binası qismən dağılıb.

Ukrayna prokurorluğunun məlumatına görə, zərbənin “İsgəndər-M” raketi ilə həyata keçirildiyi görünür. Rusiya ordusu xəbərlərə şərh verilməyib.

Müharibə tərəfdarı olan blogerlər otelə zərbə endirilməsi ilə bağlı xəbərləri təsdiqləyərək, orada hərbçilərin yaşadığını iddia edirlər.

Kramatorskda hücum zamanı Ukraynada işləyən polşalı jurnalist Monika Andruszevska da yaralanıb. Polsatın dediyinə görə, o, oteldə qalmır, zərbə zamanı maşınla oradan keçib.

Ukrayna hakimiyyətinin məlumatına görə, şənbə günü axşam saatlarında Rusiyanın Sumı şəhərinə endirdiyi aviazərbə nəticəsində 1 nəfər ölüb, 8 nəfər yaralanıb.

Xersonun gecə və bazar günü səhər saatlarında atəşə tutulması nəticəsində 3 nəfər həlak olub.