Xüsusilə gənc auditoriyaya müraciət edən məşhur sosial media platforması “TikTok”un “Apple” tərəfindən təzyiqlərə məruz qaldığını göstərən sənədlər ortaya çıxdı.

İndex.az xəbər verir ki, bu sənədlərə görə, “Apple” yaş həddini artırmaq üçün “TikTok”a təzyiq edib.

“Apple” tərəfindən təyin edilmiş araşdırma qrupu, 2022-ci ildə “TikTok” tətbiqinə ədəbsiz məzmunun tez-tez daxil edildiyini aşkar etdi. Daha sonra “TikTok”dan “App Store” təlimatlarını tətbiq etməyi tələb edilib.

“TikTok” sözçüsü Aleks Haurekin sözlərinə görə, Apple ilə söhbətdən sonra şirkətlər arasında razılıq əldə olunub. “TikTok” tərəfi məlumat sızmasından narahat olduğunu bildirib və məxfilik tələb edib.

Haurek şirkətlər arasında məlumatın bu şəkildə yayılmasının məsuliyyətsizlik olduğunu bildirməklə yanaşı, “Apple” ilə də razılıq əldə edildiyini vurğuladı.