Ürək sağlamlığını qorumaq üçün çərəzlər (qoz, badam, fındıq, püstə və s.) əvəzsiz bir qida seçimidir.
Foodinfo.az xəbər verir ki, onlar tərkibindəki sağlam yağlar, lif, vitaminlər və minerallarla ürək-damar sisteminə müsbət təsir göstərir.
1. Çərəzlərdə olan omeqa-3 və doymamış yağ turşuları xolesterol səviyyəsini tənzimləyir, pis xolesterolu (LDL) azaldır və yaxşı xolesterolu (HDL) artırır. Bu da damarların sağlam qalmasını təmin edir.
2. Qoz və badam kimi çərəzlərdəki E vitamini və polifenollar damarları sərbəst radikallardan qoruyur, iltihabı azaldır və qan dövranını yaxşılaşdırır.
3. Onlardakı minerallar qan təzyiqini normallaşdırır və ürəyin funksiyasını dəstəkləyir.
4. Çərəzlərdəki lif həzm sistemini yaxşılaşdırmaqla yanaşı, xolesterolun bağırsaqlardan sorulmasını azaldır və ürək sağlamlığına müsbət təsir edir.
5. Gün ərzində çərəzlərdən nəzarətli miqdarda istifadə etmək enerji səviyyəsini artırır və uzunmüddətli toxluq hissi yaradır. Ürək sağlamlığı üçün çərəzləri təbii halda, duz və şəkər əlavə edilmədən gündə 20-30 qram qədər istehlak etmək tövsiyə olunur. Daim balanslı qidalanma ilə çərəzləri rasionunuza daxil edin.