Alma qabığı çayı iltihabla mübarizədə təsirli təbii vasitədir.Foodinfo.az xəbər verir ki, alma qabığında yüksək miqdarda antioksidantlar, xüsusilə kversetin və C vitamini mövcuddur. Bu maddələr bədəndəki iltihab proseslərini azaldır və immunitet sistemini dəstəkləyir. Kversetin güclü iltihab əleyhinə xüsusiyyətlərə malikdir və hüceyrələri sərbəst radikalların zərərindən qoruyur. Bu, xroniki iltihabla bağlı olan artrit, ürək xəstəlikləri və ya astma kimi problemlərin simptomlarını yüngülləşdirir. Alma qabığı çayı həm də həzm sisteminə yaxşı təsir edir, bağırsaq florasını tənzimləyir və toksinlərin xaric edilməsinə kömək edir. Çayı hazırlamaq üçün təzə və yuyulmuş alma qabıqlarını qaynar suda dəmləmək kifayətdir. Daha təsirli olması üçün darçın və ya zəncəfil əlavə edilə bilər. İltihab problemlərini yüngülləşdirmək üçün bu çayı müntəzəm içmək faydalıdır.