Rusiya ordusu Dnepropetrovskdə “Biosfera” zavodunu vurub

Rusiya ordusunun Dnepropetrovsk şəhərində yerləşən “Biosfera” zavoduna zərbə endirdiyi bildirilir.

32gun.az bildirir ki, zərbə anına aid görüntüləri hərbi müxbir Yuriy Kotenok öz Telegram kanalında yayımlayıb.

“Dnepropetrovskdə ‘İskəndər’ raketinin hədəfi vurduğu an. Böyük ehtimalla, Ukraynanın hərbi-sənaye kompleksinin zəncirinə daxil olan ‘Biosfera’ zavodu zərər görüb”, – deyə müxbir paylaşımında qeyd edib.

“Lenta.ru”nun yazdığına görə, zavodun zədələndiyini “Biosphere Corporation” şirkətinin sahibi Andrey Zdesenko da təsdiqləyib.

Yayılan görüntülərdə raketin obyektə dəydiyi və ardınca güclü partlayış baş verdiyi görünür. Əlavə yayılan videolarda zərbədən sonra zavod ərazisində güclü yanğının başlandığı əksini tapıb.