Yekaterinburqda 39 yaşlı miqrant azyaşlı qıza qarşı əxlaqsız hərəkətlər etdiyinə görə məhkum edilib

Yekaterinburqda 39 yaşlı miqrant azyaşlı qıza küçədə əxlaqsız hərəkətlər etdiyi üçün 3 il müddətinə azadlıqdan məhrum edilib.

32gun.az bildirir ki, bu barədə Verx-İsetski Rayon Məhkəməsinə istinadla Ura.ru agentliyi məlumat yayıb.

Hadisə 2023-cü ilin 18 avqustunda Gənclər Sarayının yaxınlığında baş verib. İttihama görə, miqrant küçədə azyaşlı qıza yaxınlaşaraq onu narahat etməyə başlayıb. Qız qorxaraq qaçıb və kömək üçün qışqırıb. Hadisə şahidi olan vətəndaşlar dərhal müdaxilə edərək kişini saxlayıb və hüquq-mühafizə orqanlarına təhvil veriblər.

Məhkəmə onu Rusiya Cinayət Məcəlləsinin 135-ci maddəsinin 2-ci bəndi ilə (azyaşlıya qarşı əxlaqsız hərəkətlər) təqsirli bilib və ümumi rejimli islah koloniyasında cəza çəkməsi qərara alınıb.

Qeyd edək ki, bundan əvvəl Kareliyada pedofil-retsidivist iki uşağa qarşı zorakılıq etdiyinə görə cəzalandırılıb və ondan mənəvi zərərin ödənilməsi üçün kompensasiya tutulub.