Hökumət əlavə dəyər vergisini (ƏDV) 18 faizdən 20 faizə qədər artırmaqla 6 il ərzində iki trilyon rubl əldə edə bilər. Bu pullar Prezident Vladimir Putinin yeni 7 may tarixli fərmanının icrasına sərf olunacaq.

Teleqraf.com xəbər verir ki, bu barədə “Vedomosti” qəzet yazıb.

Baş nazir Dmitri Medvedev tərəfindən təklif olunan pensiya yaşının artırılması büdcəyə təxminən daha iki trilyon rubla qənaət etməyə imkan verəcək.



Putin mayın 7-də Rusiyanın 2024-ci ilədək milli məqsədləri və strateji vəzifələri haqqında fərman imzalayıb. Sənəddə ölkənin əsas inkişaf istiqamətləri müəyyən edilib.

D.Medvedevin sözlərinə görə, yeni fərmanın icrası büdcəyə səkkiz trilyon rubla başa gələcək.