Rusiyalı milyarder Roman Abramoviçə İsrail vətəndaşlığı verilib.

Axar.az xəbər verir ki, bu barədə məlumatı “Tayms of İsrail” qəzeti yayıb. Abramoviçə vətəndaşlığın dünən Təl-Əvivin Ben Qurion hava limanında verildiyi bildirilir.

Qeyd edək ki, Britaniya bundan öncə Abramoviçə viza verməkdən imtina edib. Buna səbəb Abramoviçin öz maliyyə mənbələri haqda məlumat verməməsi olub.

Bunun ardınca Abramoviç İsrail vətəndaşlığı almağa qərar verib. Abramoviç İsrail vətəndaşlığı aldıqdan sonra 12,5 milyardlıq sərvətlə bu ölkənin ən varlı adamı olub.

Xatırladaq ki, İsrail vətəndaşları Britaniyaya vizasız səfər etmək hüququna sahibdirlər.