Bir il sürücülük hüququndan məhrum edilib
Bir neçə gün öncə sosial şəbəkələrdə "Chevrolet Camaro" markalı avtomobilin sürücüsü YPX və PPX avtomobillərini vurmuş, maşını polislərin üstünə sürmüşdü.

Bakı Şəhər Dövlət Yol Polisi İdarəsindən Avtosfer.az - a verilən məlumata görə, həmin sürücü Hümbətov Elçin Məcnun oğlu saxlanılmış və Yasamal rayon məhkəməsinin qərarı ilə barəsində 30 gün inzibati həbs cəzası təyin edilməklə bir il sürücülük hüququndan məhrum edilib.

Qeyd edək ki, sözügedən avtomobilin saxlanması səbəbi 400 manatdan çox ödənilməmiş cəriməsinin olmasıdır. Sürücü saxlama tələbinə tabe olmayaraq hərəkəti davam etdirib və Tbilisi prospektində süni tıxac yaradılaraq saxlanılsa da polis maşınını vuraraq qaçdığı üçün onun təqib edilməsi dayandırıb. Kameralar vasitəsilə təqib edilərək Xırdalan qəsəbəsində yaşadığı ünvanda aşkarlanıb. Lakin burada da avtomobildən düşərək qaçıb.
[media=https://www.youtube.com/watch?v=c5ukOjOqlJo]