Meksikanın cənubunda yük maşını kütləyə çırpılıb.



APA-nın TASS agentliyinə istinadən verdiyi xəbərə görə, hadisə Tustla-Qutyerres şəhəri yaxınlığında baş verib.



Məlumata əsasən, yük maşını bir neçə avtomobillə toqquşduqdan sonra dayanacaqda avtobus gözləyən insanları vurub. Hadisə nəticəsində azı 5 nəfər ölüb, 11 nəfər xəsarət alıb. Yaralılar xəstəxanalara çatdırılıb, onların vəziyyətləri barədə məlumat verilmir.



İlkin ehtimala görə, hadisəyə avtomobilin əyləc sisteminin sıradan çıxması səbəb olub.