"Milan" "Torino"ya minimal hesabla qalib gəldi
18-02-2020, 03:06
"Milan" İtaliya çempionatının 24-cü turunun matçında “Torino” ilə qarşılaşıb.
“Report” xəbər verir ki, qarşılaşma Milanın “Cüzeppe Measse” stadionunda baş tutub və meydan sahiblərinin 1:0 hesablı qələbəsi ilə başa çatıb.
Qarşılaşmada yeganə qol birinci hissənin ortalarında vurulub. Matçın 25-ci dəqiqəsində Ante Rebiç fərqlənib.
Bu oyundan sonra "Milan" 35 xal yığaraq, İtaliyan çempionatının yarış cədvəlində səkkizinci yerə yüksəlib. "Torino" 27 xalla turnir cədvəlində 14-cü yerdə qərarlaşmalı olub. Turnirin lideri 57 xalı olan "Yuventus"dur.
