İtaliya A seriyasında XXV turun mübarizəsi davam edir.

Apasport.az saytının məlumatına görə, ilk olaraq "Bolonya" ilə "Udineze" meydana çıxıb.

Elitada qalmağa çalışan Udine təmsilçisi səfərdə qələbəni son anda əldən verib. Rodriqo Palasionun əlavə edilmiş dəqiqələrdə vurduğu qol "Bolonya"ya 1 xal qazandırıb.

Lider "Yuventus" son pillənin sahibi "Spal"la səfər matçında minimalhesablı qələbəyə sevinib.

Avropa Liqasına vəsiqə iddiasını davam etdirən "Milan" Florensiyada "Fiorentina"nın qonağı olub. "Rossonyerlər" ikinci hissədə hesabı açsalar da, azlıqda oynayan "Fiorentina" bərabərlik topunu vurmağı bacarıb.

Qeyd edək ki, turun digər 6 oyunu fevralın 23-də keçiriləcək.

İtaliya A seriyası
XXV tur
22 fevral
"Bolonya" - "Udineze" - 1:1
Palasio, 90+2 - Okaka, 33
"Spal" - "Yuventus" - 1:2
Petanya, 69 (pen.) - Ronaldo, 39; Remsi, 60
"Fiorentina" - "Milan" - 1:1
Pulqar, 84 (pen.) - Rebiç, 56