Türkiyənin Bodrum şəhərində ukraynalı yaxtaçılardan ibarət komanda rus milyarder Roman Abramoviçin super yaxtasının limana yaxınlaşmasına mane olmağa çalışıblar.

Bizim.Media xəbər verir ki, gənc yaxtaçılar milyarderin yaxtasının qarşısını kəsərək, onu limana buraxmayıblar.

Lakin sahil-mühafizə xidmətinin məsələyə müdaxiləsindən sonra yaxta limanda lövbər salıb.

Qeyd edək ki, Odessa şəhərinin yaxtaçılarından ibarət uşaq və gənclər komandası hazırda Türkiyədə təlim-məşq toplanışındadır.