DÇ-2022: Avropa zonası üzrə sonuncu vəsiqənin sahibi müəyyənləşir
5-06-2022, 11:43
Bu gün Uels və Ukrayna milli komandaları arasında 2022-ci il dünya çempionatının pley-off mərhələsinin final oyunu keçiriləcək.
"Report"un məlumatına görə, Kardiff şəhərindəki "Kardiff Siti" stadionunda oynanılacaq qarşılaşma Bakı vaxtı ilə saat 20:00-da başlayacaq.
Görüşü ispaniyalı FIFA referisi Mateu Laos idarə edəcək. Bu matçın ardından Avropa zonası üzrə DÇ-2022-yə sonuncu vəsiqənin sahibi müəyyənləşəcək.
DÇ-2022, pley-off mərhələsi, final
5 iyun
20:00. Uels - Ukrayna
Baş hakim: Mateu Laos (İspaniya)
Kardiff. "Kardiff Siti" stadionu
Qeyd edək ki, UEFA Ukraynadakı müharibə səbəbindən yarımfinal və final görüşlərinin vaxtını dəyişmişdi. Ukrayna yarımfinalda Şotlandiyaya 3:1 hesabı ilə qalib gəlmişdi.
