DÇ-2022: Ukrayna mundiala vəsiqə qazana biləcəkmi?
5-06-2022, 12:35
Bu gün Avropadan futbol üzrə dünya çempionatına çıxacaq son milli komanda müəyyənləşəcək.
Pley-off mərhələsinin final oyununda Uels və Ukrayna yığmaları qarşılaşacaq.
Görüşü ispaniyalı FIFA referisi Mateu Laos idarə edəcək. Bu matçın qalibi DÇ-2022-nin final mərhələsinin “B” qrupunda İngiltərə, İran və ABŞ-a rəqib olacaq.
DÇ-2022, pley-off mərhələsi, final
5 iyun
20:00. Uels – Ukrayna
Baş hakim: Mateu Laos (İspaniya)
Uels, Kardiff. “Kardiff Siti” stadionu
Qeyd edək ki, UEFA Ukraynadakı müharibəyə görə yarımfinal və final görüşlərinin vaxtını dəyişib. Ukrayna pely-off-un yarımfinalında Şotlandiyanı 3:1 məğlub edib.
