MLS-də növbəti tur çərçivəsində “Los-Anceles Qalaksi” və “İnter Mayami” arasında görüş baş tutub.

Fanat.az xəbər verir ki, oyun 1:1 hesabı ilə heç-heçə başa çatıb.

Lionel Messinin komandası 75-ci dəqiqədə hesabda geri düşsələr də, ikinci hissəyə əlavə olunmuş dəqiqələrdə məğlubiyyətdən xilas olmağı bacarıblar. “İnter Mayami”nin bərabərlik qolunu məhz Messi vurub. O, Jordi Albanın ötürməsini qola çevirib.

“Los-Anceles Qalaksi”nin 88-ci dəqiqədən azlıqda oynadığını əlavə edək.