UEFA Avropa Liqasının dörddəbir final mərhələsinin ilk oyunları çərçivəsində Fransanın "Lion" və İngiltərənin "Mançester Yunayted" klubları qarşılaşıblar.

Oxu.Az xəbər verir ki, matçda hesabı ev sahibləri açıblar. Almada 26-cı dəqiqədə komandasını önə çıxarıb.

Yoro birinci hissəyə əlavə olunmuş dəqiqələrdə "qırmızı şeytanlar"ın bərabərlik qolunu vurub.

Zirkzee 88-ci dəqiqədə fərqlənərək "Mançester Yunayted"in ikinci qoluna imza atıb. Lakin əsas vaxta əlavə olunmuş beşinci dəqiqədə Şerki "Lion"u məğlubiyyətdən xilas edib.

Matç 2:2 hesablı heç-heçə ilə başa çatıb.

1/4 final mərhələsinin daha bir gərgin oyunu Londonda baş tutub. "Tottenhem" evdə "Ayntraxt Frankfurt"u qəbul edib.

6-cı dəqiqədə Ekitike almanları hesabda önə çıxarsa da, 20 dəqiqə sonra Porro hesabı bərabərləşdirib.

Matçda başqa qol olmayıb və tərəflər 1:1 hesablı heç-heçəyə razılaşıblar.


Bu mərhələnin digər oyunu "Reyncers" və "Atletik Bilbao" komandaları arasında keçirilib.

Şotlandiya təmsilçisi 13-cü dəqiqədə azlıqda qalıb - Pröpper qırmızı vərəqə alaraq meydandan qovulub. "Atletik Bilbao" say üstünlüyündən istifadə edə bilməyib.

Tərəflər nə qədər çalışsalar da, meydançada qol qeydə alınmayıb - 0:0.

10 aprel, 23:00

UEFA Avropa Liqasının dörddəbir final mərhələsində Fransanın "Lion" və İngiltərənin "Mançester Yunayted" klubları qarşılaşırlar.

Oxu.Az xəbər verir ki, "Mançester Yunayted" Fransada "Lion"un qonağıdır.

18:12

Bu gün UEFA Avropa Liqasının dörddəbir final mərhələsində Fransanın "Lion" və İngiltərənin "Mançester Yunayted" klubları üz-üzə gələcəklər.

Bakı vaxtı ilə oyun saat 23:00-da start götürəcək.