Çempionlar Liqasında qrup mərhələsinə yekun vurulub - NƏTİCƏLƏR Böyüt
7-12-2017, 08:29
Çempionlar Liqasında qrup mərhələsinə yekun vurulub. Apasport.az saytının məlumatına görə, E, F, G və H qrupunda baş tutan qarşılaşmalarda 1/8 finalın bütün iştirakçılarının adlarına aydınlıq gəlib.
F qrupunda “Napoli” ilə “Şaxtyor”un qiyabi mübarizəsini doğma meydanda "Mançester Siti"yə qalib gələn ukraynalılar qazanıblar. İtaliyalılar isə səfərdə “Feyenord”a uduzublar.
E qrupunda isə "Liverpul" "Spartak"ın daşını daş üstə qoymayıb - 7:0. İngilislərə qoşulan ikinci komanda isə "Maribor"la heç-heçə oynayan "Sevilya" olub.
G qrupunda qrupdan çıxmağı təmin etmiş “Beşiktaş” səfərdə “Leyptsiq”i xalsız qoyub. Bu halda “Monako”ya qalib gələn “Porto” 1/8 finala yüksəlib.
Çempionlar Liqası
Qrup mərhələsi, VI tur
6 dekabr
E qrupu
“Maribor” (Sloveniya) - “Sevilya” (İspaniya) - 1:1
Qol: Tavares, 10 - Qanso, 75
“Liverpul” (İngiltərə) - “Spartak” (Rusiya) - 7:0
Qollar: Koutinyo, 4, 15, 50, Firmino, 19, Mane, 47, 76, Salah, 86
F qrupu
“Feyenoord” (Hollandiya) - “Napoli” (İtaliya) - 2:1
Qollar: Yorgensen, 33, Sent Cust, 90+1 - Zielinski, 2
“Şaxtyor” (Ukrayna) - “Mançester Siti” (İngiltərə) - 2:1
Qollar: Bernard, 26, İsmaili, 32 - Aquero, 90+2
G qrupu
“Porto” (Portuqaliya) - “Monako” (Fransa) - 5:2
Qollar: Abubakar, 9, 33, Brahimi, 45, Telles, 65, Soares, 88 - Qlik, 61, Falkao, 78
“Leypsiq” (Almaniya) - “Beşiktaş” (Türkiyə) - 1:2
Qollar: Keyta, 87 - Neqredo, 10 (pen.), Talişka, 90
H qrupu
“Tottenhem” (İngiltərə) - APOEL (Kipr) - 3:0
Qollar: Llorente, 20, Son, 38, Nkudu, 80
“Real” (İspaniya) - “Borussiya” (Dortmund, Almaniya) - 3:2
Qollar: Mayoral, 8, Ronaldo, 13, Lukas, 81 - Obameyanq, 43, 49
Qrup qalibləri: “Mançester Yunayted”, PSJ, “Barselona”, “Roma”, “Tottenhem”, “Liverpul”, “Mançester Siti” və “Beşiktaş”.
Qrup ikinciləri: “Yuventus”, “Bazel”, “Şaxtyor”, “Bavariya”, “Çelsi”, “Real”, “Porto” və “Sevilya”.
Qrup üçüncüləri, Avropa Liqasında 1/16 finala keçənlər: “Leypziq”, “Napoli”, “Atletiko”, “Borussiya D.”, “Spartak”, “Sportinq”, MOİK, “Seltik”
Qeyd edək ki, Azərbaycan çempionu “Qarabağ” da qitənin ən nüfuzlu klub turnirində mübarizə aparıb. “Çelsi”, “Roma” və “Atletiko” ilə eyni qrupda yer almış ağdamlılar 2 xalla sonuncu olublar.
