I Divizionda oyun alveri məsələsi ilə bağlı Bakı şəhər Prokurorluğu araşdırma aparır.

Sportlife.az-a daxil olan məlumata görə, bununla bağlı AFFA-dan prokurorluğa rəsmi müraciət ünvanlanıb. Müraciətin təşəbbüskarının AFFA-nın baş katibi Elxan Məmmədov olduğu deyilir.

Mənbənin verdiyi məlumatda bildirilir ki, məsələ dərindən araşdırılır və dindirilənlər kifayət qədərdi. Bunlar arasında hakimlər, klub prezidentləri, baş məşqçilər və futbolçular da var.

Mənbənin dediyinə görə, daha çox “Sabah”, “Qaradağ Lökbatan” və "Turan-Tovuz" klublarının iştirakıyla keçirilmiş qarşılaşmalar şübhəli bilinir.